Sun Lo Na Songtext
von Suzonn

Iklauta dil mera tujh pe hi qurbaan hua
Haqeeqat hai ya koi hai wahmi dastaan
Sohbat mein teri guzaarun shaam-o-subah
Dilkash rahe zindagi, hai bas yeh ek dua
Sun lo na


Lafz kam se ho gaye, haazir jo tum ho yahan
Dil raazi hai aane ko tere hi gulistaan
Hum-tum jo sang rahe, qaayam rahe khushiyan
Dhaage naye jod doon, aur gawaah ho yeh duniya

Dil ki dua hai, salaamat rahe sukoon har din-raat ka
Apna bhi qissa ek hissa bane khushrang kaayinaat ka
Qismat se thoda ijaazat le ke khwaab tum bun lo na, haan
Sun lo na

Sun lo na
Sun lo na