Unser Leed Songtext
von Stadtrand

De Spilluhr opjetrocke, litt in mingem Bettche drin
En Melodie in mingem Uhr, bes ich enjeschloofe ben
He zo Hus bei uns im Veedel, wo ich jroß jewoode ben
Minge eetste Kuss, et eetste Kölsch, nä wat wor dat schön
Mer stonn im Matsch un Rään, beim Sommer Open Air
Et litt Musik in d′r Luff und die föhle mer su sehr
Dat es unser Leed, dat es alles wat mer han
Dat es unser Ovend dä uns keiner nemme kann
Mer singe hück vun Liebe, vun Freiheit und vun Jlöck
Dat es et Schönste wat mer han, jetz un in jedem Augebleck
D'r Schweiß op dä Steen, minge Aanzog sitz perfek
Us d′r Kirch ertönt uns Lieblingsleed, ich han de Ringe in d'r Täsch
De Pänz su schnell erwachse, un sin beide us'm Hus


Jonn op de Uni un maache Musik, de Zick verjeiht wie im Flug
De Sonn strahlt durch de Wolke, de Trone fottjewisch
Dat letzte Leed es jesunge und do mähs dich op d′r Wääch
Dat es unser Leed, dat es alles wat mer han
Dat es unser Ovend dä uns keiner nemme kann
Mer singe hück vun Liebe, vun Freiheit und vun Jlöck
Dat es et Schönste wat mer han, jetz un in jedem Augebleck
Ov fröher, hück oder morje, ejal ze welcher Zick
Wat uns immer bliev... dat es unser Leed
Dat es unser Leed, dat es alles wat mer han
Dat es unser Ovend dä uns keiner nemme kann
Mer singe hück vun Liebe, vun Freiheit und vun Jlöck
Dat es et Schönste wat mer han, jetz un in jedem Augebleck