Oide Hund Songtext
von Revoluzza

Longsom wean ma oide Hund, so vü kunnt ma vazön
Üba Erfoig den ma nia ghobt hom und die Sorgn de uns gwön
A Detschn noch da ondan homma si scho gfongt
Homs ned vadeant und trotzdem valongt

Wir hom uns voi varennnt
Und hom uns wida gfundn
Wir woan nia a bissal obn
Sondan imma nua gonz untn
Wir kinnan üba unsre Föhla lochn
Wos soidsd sonst mochn

Wir hom gemeinsom so vü gschofft und hom uns oft bewährt
Wir hom gemeinsom glocht und gemeinsom great
Es gibt an Grund dafia, dass wir beinonda san
A wonns scho finster wiad, wir gengan nu ned hoam


A wonn uns oft bewusst is, dass do a Frust is
Kummt va links a bleda Schmäh und es duat scho nimma weh
Wir wissn gonz genau
Wia ma am Zoaga geht

Wir san no long ned miad
Oda woins oafoch ned glaubm
Wir hom imma protestiert
Woin ned ois oide Punks vastaubm
Und so a Tog wia heid der gheat fia imma uns
Fia imma uns

Wir hom gemeinsom so vü gschofft und hom uns oft bewährt
Wir hom gemeinsom glocht und gemeinsom great
Es gibt an Grund dafia, dass wir beinonda san
A wonns scho finster wiad, wir gengan no ned Hoam

Wir san wia Briada woan in dera longen Zeit
Wir hom uns fest vaschwoan
Und nu is ned soweit
Dass unsa Schoi vastummt
De Box ned brummt
Und dass ma so jung nimma zomman kumm