Ja jedu Songtext
von N.R.M.

Я еду па восеньскім лісце
Еду я праз дзяцячыя сны
Еду я па пагорках і выспах
Па дарогах зімы і вясны
Я еду туды, дзе светла
Дзе лунае паветраны шар
Дзе ветразь напоўніцца ветрам
Дзе сонцам асветліцца твар

Усё на крыві! Усё на касцях!
Усё шматзначнае - адназначна!
Я маю свой ген! Я маю свой сцяг!
Я маю свой край, дзе дыхаць мне смачна!


Я еду праз шэрыя вёскі
Еду я цераз знакі бяды
Я еду праз кропкі, ды коскі
Я еду адсюль - туды
Туды дзе ўзыходзе золак
Дзе падае снегу долу
Дзе свеціць калядная зорка
Дзе гарыць Купальскае кола

Усё на крыві! Усё на касцях!
Усё шматзначнае - адназначна!
Я маю свой ген! Я маю свой сцяг!
Я маю свой край, дзе дыхаць мне смачна!

Усё на крыві! Усё на касцях!
Усё шматзначнае - адназначна!
Я маю свой ген! Я маю свой сцяг!
Я маю свой край, дзе дыхаць мне смачна!

Я еду па вечным брудзе
За брудам нябачна зямлі
Калісьці тут штосьці будзе
Вось толькі што і калі?
Даеду адно па рыму
На хвалях студзёных вятроў
Я еду ў сваю краіну
Нявечную сотню гадоў


Усё на крыві! Усё на касцях!
Усё шматзначнае - адназначна!
Я маю свой ген! Я маю свой сцяг!
Я маю свой край, дзе дыхаць мне смачна!