Twa Corbies Songtext
von Mythbegotten

As I was walkin′ all alane,
I heard twa corbies making a mane;
The tane unto the t'other did say-o,
′Where sall we gang and dine today-o,
Where sall we gang and dine today?'

'It′s in behind yon auld fail dyke,
I wot there lies a new-slain knight;
And naebody kens that he lies there-o,
But his hawk, and his hound, and his lady fair-o,
Hawk, and his hound, and his lady fair.


′His hound is to the hunting gane,
His hawk, to fetch the wild-fowl hame,
His lady's ta′en another mate-o,
So we may mak our dinner sweet-o,
We may mak our dinner sweet.

'Ye′ll sit on his white hause-bane,
And I'll pike out his bonny blue een.
Wi′ ae lock of his gowden hair-o,
We'll theek our nest when it grows bare-o,
Theek our nest when it grows bare.'

Mony a one for him makes mane,
But nane sall ken whare he is gane:
O′er his white banes, when they are bare-o,
The wind sall blaw for evermair-o,
Wind sall blaw for evermair.