I bin a Strizzi Songtext
von Metternich

I bin ka Jazz-a, des woa i nie
Und mei Gitar is scho boid hi
I spü im Tschocherl bei mir glei ums Eck
Da Wirt dazöht ma, er konn nix zoin
Den Schotta der wos in Huat einefoit
Konn i ma ghoidn waun i wü

I bin ka Hackla, des woa i nie
Weu so fruah aufsteh mocht di nua hin
I schlof mi aus und bleib erst amoi zaus
Wann daun die Sun weida untn steht
Beweg i mi longsom weg von mein Bett
Krotz ma die Restln vom Gfrierschronk zom


I bin a Strizzi und i sing
Mit meine Hawara in Ottakring
Mia hom a Hetz, uns geht′s guad
Des is wos zöht
I bin ned guad und a ned schlecht
I sog eich ans, des is scho recht
Mia haum a Hetz und san gsund
Des is wos zöht

I bin ka Lehrbua und a ka Student
Ka Adabei, den wos jeda kennt
I bin ka Masta und a ka Chef
Bin ka Genie, gonz sicha ned
Owa zum Lebn sicha ned zbled
Des is ma wuascht, ob des ana vasteht

I bin ka Gstopfta, des woa I nie
Wos tat i tuan mit so vü Marie
Brauch ka Krawattn und ka Sakko
I brauch kan Audi und kan VW
Des bissl Hatschn tuat ma ned weh
Do host ka Promügrenz, jo des is schee