Ghair Banke Na Miley Hum Tumhe Apna Karle Songtext
von Mehdi Hassan

Gair banke na milein, tumhein apna kar lein
Gair banke na milein hum, tumhein apna kar lein
Ho ijaazat toh yeh chhoti si tamanna kar lein?
Gair banke na milein hum, tumhein apna kar lein
Ho ijaazat toh yeh chhoti si tamanna kar lein?
Gair banke na milein...

Tez saanson mein rachi pyaar ki shahnaai ho
Tez saanson mein rachi pyaar ki shahnaai ho
Phool sa chehra ho, mahki hui tanhaai ho
Phool sa chehra ho, mahki hui tanhaai ho
Neechi nazrein jo uthein, dekh ke parda kar lein
Gair banke na milein...


Humnein allah se yoon daad-e-wafa maangi hai
Humnein allah se yoon daad-e-wafa maangi hai
"Jald mil jaao humein tum," yeh dua maangi hai
"Jald mil jaao humein tum," yeh dua maangi hai

Haan jo keh do toh abhi shukr ka sajda kar lein
Gair banke na milein hum, tumhein apna kar lein
Ho ijaazat toh yeh chhoti si tamanna kar lein?
Gair banke na milein...

Hai muqaddar pe humein naaz, mohabbat pe yaqeen
Hai muqaddar pe humein naaz, mohabbat pe yaqeen
Jeete ji tum se judaai kabhi mumkin hi nahin
Jeete ji tum se judaai kabhi mumkin hi nahin

"Mar ke bhi hum na juda honge," yeh waada kar lein
Gair banke na milein hum, tumhein apna kar lein
Ho ijaazat toh yeh chhoti si tamanna kar lein?
Gair banke na milein...