S'Isch OK Songtext
von MC Rony

Sag mir doch emol, wo aane gohsch du?
Isch es hart dört, wo du laufsch, oder gohts so?
Lo mi wüsse, ob′s dir guet oder schlächt goht?
Fühlsch wie'ne Königin? Oder eini, wo am Bärg schtoht?
Es isch ok, wenn du seisch, dass du Hilf bruchsch
I bi do nur für di, aber sag, was du suechsch
I seh nume di Problem, aber fühl′s nit
Es duet weh, wenn'i gseh, au du fühl's nit
S′isch bitterkalt in däm Ruum, wo mir lääbe
Bitt mi drum, und ich bät für di Sääge
Es isch so schlimm für mi, e so wie′s isch
Will ich liid, wenn'i weiss, dass du unzfriede bisch

Was ka′ni due für di? Hesch du scho gnueg vo mir?
Gib mir e Zeiche, nit, dass'i dr Muet verlier
Nit, dass′i dr Muet verlier

Glaub mir, s'isch ok (ok)
Au unseri Zyt wird widerko
Au wenn′s mänggmol nit sunnig isch
Ich sag dir, das wärde mir scho überschtoh


So unergründlig, wie dini Wääg sin
So glai isch d'Chance, dass au ich di Ziel find
Sag mir, wie wyt sin mir wägg vo däm Platz?
Isch'r grad do vor Ort? Oder bruucht′s no′ne Satz?
Es isch ok für mi, wenn du nit willsch
Aber i wüsst so gärn, was für'e Schpiel, das du schpielsch
Ich wird leider nit schlau us dir
Aber i hoff, du teilsch di mit, falls ich mi irr
Du bisch mi Hoffnig, mi Truur und mi Lache in dr Angscht
Hebsch allem Schtand, wenn de e Talfahrt fangsch
Mir ghöre zäme wie Familie, wo trennt wärde
I gib alles, damit mir das niemols erlääbe

Was ka′ni due für di? Hesch du scho gnueg vo mir?
Gib mir e Zeiche, nit, dass'i dr Muet verlier
Nit, dass′i dr Muet verlier

Glaub mir, s'isch ok (ok)
Au unseri Zyt wird widerko
Au wenn′s mänggmol nit sunnig isch
Ich sag dir, das wärde mir scho überschtoh

Was ka schöner si als mir beidi im Glügg?
Haltisch di draa? Oder dreit di das nit?
Es isch hart, ohni Plan, so in Fahrt
Doch i wart, bis'i weiss, wo'ni bi und wo′ni schtart
Es isch ok für mi, wenn ich elei gang
Aber wirdsch au du dört si, wenn ich am Ziel schtand?
Ich hoff, dass mir uns einestages widerfinde
Damit mir könne unser Puzzle zämefiege
Es isch aight inere Zuekunft zu zweit
Aber weisch′es au du? Und bisch scho bereit?
Hey, lo'mi wüsse, wenn′s e so wyt isch
Bis denn mach'i witer und wünsch, dass du fit blibsch


Glaub mir, s′isch ok (ok)
Au unseri Zyt wird widerko
Au wenn's mänggmol nit sunnig isch
Ich sag dir, das wärde mir scho überschtoh