Ähm... Songtext
von MC Rony

An jede Freak, wo mim Sohn im Wäg schtoht
An jede, wo gmeint het, das är dr falschi Pfad goht
Hüt lose am Rony euri Schieler zue
Und wenn dir öbbis verzelet, denn git no immer keine Rueh
An all euch Lehrer, wo dänggt hän, es längt nit
I gib euch im näggschte Läbe vilicht mi Talänt mit
I wünsch euch e Schreygrampf jedesmol, wenn ihr mi sehn
Und e Poschter in de Zimmer vo euerne Töchtere und Söhn


D′Pauker in dr Schuel hän gmeint, mi ka me nit für vieles bruche
Si hän sich tüscht, will eine wie mi muess me no lang go sueche
In eim Punggt hän si rächt gha, zum Schriibe bini tauglich
Das sig mir wurscht, hani gseit, dr räschte sig mr au glich
Fröhn am Alkohol und sig'm Gras si untertan
Denn erkennsch am Rony sini Zuekunft und au si Untergang
So isch es hüte, wenn ich′s genau nimm, doch rüttle nützt do au nüm
So griegi, was i vrdien, und die andere mache emol Gwünn
Mit mim Talänt, woni druf ha, mi'ni Versicherig für nüm Buff ha
Also vorsichtig mit mir, sunscht dringg mr bald täglich e Suff a
Möchtsch jo nit, das ich an dr Party hang und läschtig ume siff
Dinere Fründin uf'e Kecks gang und noch dinere Fläsche griff
Benimm di gfälligscht, wenn′d mr uf de Fiess umenander drampsch
Du Rüppel, zeigsch eifach kei Reschpäggt
So wie′d mr im Nagge hangsch
S'isch alles e Froog vo dr Aasicht und ob me′s ka bligge digge
So we me sich bettet isch me, schlussändlig am Lige

An jede Freak, wo mim Sohn im Wäg schtoht
An jede, wo gmeint het, das är dr falschi Pfad goht
Hüt lose am Rony euri Schieler zue
Und wenn dir öbbis verzelet, denn git no immer keine Rueh
An all euch Lehrer, wo dänggt hän, es längt nit
I gib euch im näggschte Läbe vilicht mi Talänt mit
I wünsch euch e Schreygrampf jedesmol, wenn ihr mi sehn
Und e Poschter in de Zimmer vo euerne Töchtere und Söhn
An jede Freak, wo mim Sohn im Wäg schtoht
An jede, wo gmeint het, das är dr falschi Pfad goht
Hüt lose am Rony euri Schieler zue
Und wenn dir öbbis verzelet, denn git no immer keine Rueh
An all euch Lehrer, wo dänggt hän, es längt nit
I gib euch im näggschte Läbe vilicht mi Talänt mit
I wünsch euch e Schreygrampf jedesmol, wenn ihr mi sehn
Und e Poschter in de Zimmer vo euerne Töchtere und Söhn


Du weisch wie's isch, wenn di das gmisch ergrifft
Dr Tisch, wo bricht, will′r nit isch, was'r vrschpricht
Wirdsch nur drüberzooge, bschisse und belooge
Und am Schluss bisch nit am Änd, sondern völlig am Boode
Dä Zueschtand losst sich kuum umschribe mit Wörter
Am ehnschte isch′s eso, als übergäbtisch di Körper dim Mörder
Jetzt fühlsch di frey und doch wie dr Diener vom König
Nieme Entlöhnig, kei Rächt uf nüt, weder Schtritt no Vrsöönig
Ich weis, ich reed nit oft vo 'schöner Leben'
Ich bi e Depro Bebbi, "was kann es schöneres geben?"
Und doch findi Kraft für Tegscht, wo mir Muet mache
Im Kopf scho e Gwünner, e Gedangge zum Lache
Ich hoff, das ich dr Glaube an mi sälber ka halte
Und wenn′s e so isch, blibt alles bim Alte, kei Kopf zum schpalte
Alles was ich bruuch, isch Beat, Stift und Papier
Und sovil Grips, das ich mini Gedangge kapier

An jede Freak, wo mim Sohn im Wäg schtoht
An jede, wo gmeint het, das är dr falschi Pfad goht
Hüt lose am Rony euri Schieler zue
Und wenn dir öbbis verzelet, denn git no immer keine Rueh
An all euch Lehrer, wo dänggt hän, es längt nit
I gib euch im näggschte Läbe vilicht mi Talänt mit
I wünsch euch e Schreygrampf jedesmol, wenn ihr mi sehn
Und e Poschter in de Zimmer vo euerne Töchtere und Söhn
An jede Freak, wo mim Sohn im Wäg schtoht
An jede, wo gmeint het, das är dr falschi Pfad goht
Hüt lose am Rony euri Schieler zue
Und wenn dir öbbis verzelet, denn git no immer keine Rueh
An all euch Lehrer, wo dänggt hän, es längt nit
I gib euch im näggschte Läbe vilicht mi Talänt mit
I wünsch euch e Schreygrampf jedesmol, wenn ihr mi sehn
Und e Poschter in de Zimmer vo euerne Töchtere und Söhn