Change Songtext
von Manuel Stahlberger

Wichtigi Lüt woner jetz denn grad trifft
Do plötzlich bliibt er stecke im Lift
Nüt me goht, kei Handyempfang
Stromusfall, Notbelüüchtig stundelang
Aber plötzlich wird er ganz ruhig
Plötzlich fühlt er sich ganz liecht
Plötzlich tenkt er: es isch Ziit für en Change
I wärd en andere Mensch

I bi gar nöd dä
Woni gmeint ha dass i bi
Woni scho gwüsst ha wär i bi
Nei, i bi gar nöd dä
Woni gmeint ha dass i bi
Woni scho gwüsst ha wär i bi


Stecke plibe im Schlamm
De Zug verpasst oder s Tram
D Sitzig fang a, d Präsentation
Und du stohsch do im Hochmoor imene andere Kanton
Und uf zmol seit e Stimm
Da isch doch nöd so schlimm
Es isch sowieso Ziit für en Change
Du wirsch gschider en andere Mensch

E Stärnekonstellation
En Flügelschlag
Öpper wo lachet
En andere Tag

Und mir sind no gar nöd so wiit
Wie mir gmeint hend dass mir sind
Wo mir scho wiit gsi sind
Nei, mir sind no gar nöd so wiit
Wie mir gmeint hend dass mir sind
Wo mir scho wiit gsi sind