A Dos Nenos Songtext
von Los Berrones

Un nenín pequeñu
Llora abrazáu a so madre
Llantos y allaríes
Gritos que corten l′aire

Y hai otru hermanu más grande
Que pregunta por so pá
Pasa algo raro en so casa
Pero naide-yos diz ná
Pasa algo raro en so casa
Pero naide-yos diz ná

¿Cuándo vien mio pá?
Yo quiero que venga de trabayar
Ah, ah-ah-ah, ah-ah-ah

¿Ónde ta mio pá?
Yo quiero que venga conmigo a enredar
Ah, ah-ah-ah, ah-ah-ah


Güei pasó algo gordo
Nun los mandaron pa escuela
Ta mui seriu'l güelu
Ta como lloca la güela

Ta enllenándose la casa
De parientes y allegaos
Con ese estar estanllarye
Y los guellos empitaos
Lleguen corones y ramos
Y de flores ta tremao

¿Cuándo vien mio pá?
Yo quiero que venga de trabayar
Ah, ah-ah-ah, ah-ah-ah

¿Ónde ta mio pá?
Yo quiero que venga conmigo a enredar
Ah, ah-ah-ah, ah-ah-ah

Maldita la mina
Que cambia trabayu
Por cachos de vida

Maldita la mina
Que trae′l dineru
Y trae la ruina


Faltóte esa suerte
Qu'a veces tenemos
Dexasti'l pelleyu
Una viuda y dos nenos

Mal día y mala suerte
Los nenos entruguen
Y nun hai respuestes

¿Cómo hai qu′esplicalo
Con qué tactu, con qué tientu?
Cuénta-y tu a esos nenos
Que so padre ta nel cielu

Cuando te miren de frente
Y quédense arremellaos
Cuando abaxen la cabeza
Llorando desconsolaos

Cuando abaxen la cabeza
Llorando desconsolaos

¿Cuándo vien mio pá?
Yo quiero que venga de trabayar
Ah, ah-ah-ah, ah-ah-ah

¿Ónde ta mio pá?
Yo quiero que venga conmigo a enredar
Ah, ah-ah-ah, ah-ah-ah

¿Cuándo vien mio pá?
Ah, ah-ah-ah, ah-ah-ah
¿Cuándo vien mio pá?
Ah, ah-ah-ah, ah-ah-ah

¿Cuándo vien mio pá?
Ah, ah-ah-ah, ah-ah-ah
¿Cuándo vien mio pá?