Cent orizonts Songtext
von Lo Barrut

Sens parpalhòls, e sens aucèls
Cent parpalhòls, e cent aucèls
L′ombra davala dempuèi longtemps

Cent orizonts, e cent asuèlhs
Sens orizonts, e sens asuèlhs
L'ombra se lèva e quitament
S′aluca lo fuòc e lo vent

Es de tant naut, de tant de cèls
Qu'ençaval se pausa tos uèlhs
Risi a l'aubre e a la fuèlha
Ta cara alucada a ma pèl


Ai tant legit e tant begut que mon monde n′es vengut sadol
Ai tant pregat tant plorat que de lagremas n′en fau de mars
Ai tant dormit e tant somiat que mos uèlhs òrbs se son dubèrts
Ara tant m'an vist coma mòrt que fin finala me soi anat

Lo cèl en bas, la carn amont
Batèsta batèsta d′aval
Mon còr ba sap tot al prigond

Cortet serà l'esclaire de tristessa dins mon uèlh
Te saludi fraire, ma man, d′amor, leva lo vèl

Tos passes foguèron grands sus la tèrra
Tos pès ligats a ton sorrire
Ton èime bèl s'espelís a l′orièira
Un boès vèrd per te reconduire

La polsa s'arrapa pas sus mon còr
Cal pas daissar la mòrt als mòrts
Tant que cantam amic cantam
Tant que vivèm seràs vivant