Stelo Songtext
von Kore

Nombris mi stelojn proksime de la lun′
Vidis mi helon, sendube vian lumon
Verda gvidsigno celanta nian koron
Anima enigmo fortiganta ĉies memoron

Kiel serĉkandelo por festtaga kuko
Ne estingeblas flam' via por nia lukto
Kortuŝe restos al ni via ridet′, ho!
Kiun havis vi kaj igis nin kvieta


Ho! nin aldiru – kion plu scias vi
Ĉar postbriletis etaj lumoj de vi
Ho! nin aldiru – ĉu bone fartas vi
Ne foru, suferis ni morn-silenton de vi

Ĉu samideanoj post-iras sur la stelo
Kiun per sloganoj vi konstruis en nia ĉielo?
Pri vi ĉiuj memoras en silenta am', ho!
Amikino, mankas vortoj ĉar foriris vi por ĉiam

Ho! nin aldiru – kion plu scias vi
Ĉar postbriletis etaj lumoj de vi
Ho! nin aldiru – ĉu bone fartas vi
Ne foru, suferis ni morn-silenton de vi