Jhaluzo Songtext
von Kore

Frenezo, jen via vivdediĉo
Trempadi min en malfeliĉo
Ĉar vi nestas nun en mi
Vekiĝis la envio
Impulse kiel best′ en kaĝo
Mi pleniĝas per sovaĝo
Sen amikemo en spirito
Tuj formortas konfido

Frenezo, vi trapenetris min
Vundiĝis kor' kaj animo
Mia viv′ en via mano
Ĉu kuraceblas ĉi malsano?
En via aĉa toksa fonto
Kreiĝas hipokrita mondo
Kaŭzo de l' simptomo
Elŝprucu via vomo
Kia malsamo?


Frenezo, vi estas daŭra ĝeno (daŭra ĝeno)
Plenigas min per la veneno (per la veneno)
Mia mem' ne restas samo
Vi haltu, troas jam

Vi, frenezo, naskiĝis de fantomo
Vi, frenezo, patrino de malbono
Vi, frenezo, floro de demono
Vi, frenezo, forfluu via nomo

Frenezo, ĉi psika sombra sorto
Signas malforton
Ja estas ama energio
Por deturni min de vi
De via nigra amara bildo
For de via kaptilo
Sed mia viv′ en via mano
Ĉu kuraceblas ĉi malsano?
Kia malsamo?

Frenezo, vi estas daŭra ĝeno (daŭra ĝeno)
Plenigas min per la veneno (per la veneno)
Mia mem′ ne restas samo
Vi haltu, troas jam


Vi, frenezo, naskiĝis de fantomo
Vi, frenezo, patrino de malbono
Vi, frenezo, floro de demono
Vi, frenezo, forfluu via nomo
Vi, ĵaluzo
Vi, ĵaluzo
Vi, ĵaluzo, floro de demono
Vi, ĵaluzo, forfluu via nomo

Ĵaluzo, vi trapenetras min
Vundiĝas koro kaj animo
Mia viv' en via mano
Ĉu kuraceblas ĉi malsano?