Bendahe Songtext
von Jamiela

Oh, nahulog na naman
At ako ang sumalo
Pupunasan ang mga
Luhang tumutulo

′Di ka pagtatawanan
Tutulungan sa pagtayo
Pagpagin ang dumi
'Di hahayaang dumugo

Pasan-pasan sa sandali
Pagod na ang mga binti
Dala-dalang pighati
Iibsan ang nararamdamang hapdi

Ginamit lang palang bendahe
Pantapal sa sugat mong kay lalim
Sasamahan ka hanggang sa gumaling
Sa huli pala ako ay tatanggalin (bendahe)

Oh, bendahe
Sa panandali
Oh, bendahe


Sino ang sugatan?
Ayusin ang parte na ito
Nakatingin sa nakaraan
Huwag nanaisin tumakbo

Oh, ako naman
Nauubos na rin ako
Wala na ang dikit
Hindi pa ba lahat epektibo?

Huwag naman ipagpalit
Unti-unting naiipit
Pag-ibig niya′y ipinagkait
Kinukuha ko na ang sakit

Ginamit lang palang bendahe
Pantapal sa sugat mong kay lalim
Oh, diyan ka ba magaling?
Panakip-butas lang ang tingin sa akin (bendahe)

Oh, bendahe
Sa panandali
Oh, bendahe


Hindi ko na iniinda
Mga salitang sumisira
Bumubutas, bumibiyak
Sa aking puso
Pinagmukha lang akong tanga
Wala na ngang natira
Bigyang lunas
Nawatak na ang pangako
Ayun lang ay napako

Ah-hah
Ha
Ah-hah

Aray
Ang hapdi
Gusto ko nang bumigay
Sandali

Kailangan ko ng bendahe
Sa iniwan mong sugat na kay lalim
Nawala na siya sa tabi
Nang ako ay dumaing

Pahingi naman ng bendahe
Kahit konti lang
'Di kayang buoin ang sarili
Ako ay nasasaktan

Mawawala iyan
Palipasin ng ilang minuto
Natutong iwasan
Sana manhid na ako