Mooona Songtext
von Herman Medrano

Se to mare
Se to pare
Se to mare e to pare ogni tanto


Se to mare chea volta strenxeva un fià e gambe
Se a se gavesse messo na lamiera dentro so e mudande
Se to pare chea volta no gavesse avúo pressa
Se invesse che in leto la gavesse portà a messa
Se a ghe gavesse dito: No, no vegno pa i canpi
No vojo un fioeo come ti, métete do guanti
Se to mare ghe tirava a man roversa na tángara
To pare se voltava e vegneva so na tapara
Moooona, no se capisse come che fe ad essere cussì
Moooona, davvero no capisso come che se poe
Ad ogni to capea i te dixeva: Poareto
Se invesse i te saráva i deéti so un casseto
Se i te gavesse messo eà graspa in biberon
Se spiegaria par cossa che te si cussì goldon
Se to mare te negava faxendote el bagneto
Se a te gavesse sofegà rujà sol coprileto
Se i te gavesse dá del Tavor come el Zigulì
Se capirìa par cossa che te si mona cussì
Moooona, no se capisse come che fe ad essere cussì
Moooona, davvero no capisso come che se poe
Se invesse che a calcio el te portava a cacia
Se el te metéva in posa e te sparava in facia
Se traversando canpi el te dava na peada
Nel momento che passava a trebia pa eà strada
We to mare e to pare i se curava de vardare
Se invesse de ′ndar scuoea ti te 'ndavi al mare
Se i se gavesse incorto che invesse dee lession
Te passavi i pomeriji fissando a teévision
Moooona, no se capisse come che fe ad essere cussì
Moooona, davvero no capisso come che se poe
No voría che te pensassi che mi so cativo
E te rivassi a darme un giudissio negativo
Te spiego el motivo de queo che te digo
Xe parchè mi in fondo so davero to amigo
E no voría che te pensassi che mi so cativo
E te pensassi a un sfissio sensa alcun motivo
Xe parchè mi in fondo so ancora to amigo
Ma ti no te ghe rivi e xe par questo che te o sigo
Moooona, no se capisse come che fe ad essere cussì
Moooona, davvero no capisso come che se poe
Se to mare nee manine eà te meteva un acendin
E un pocheta de benzina inpregnà sol vestitin
Se to pare nol te dava na manceta ma un pico
Forse e digo forse te sarissi un fià pi drito
Se to mare co e sepe te gavesse sconto el vin
Visto che te verzi boca come un gazetin
Se to pare agricoltore nol gavesse da eà carica
Pa trasformare l′orto in provincia dea Jamaica
Moooona, no se capisse come che fe ad essere cussì
Moooona, davvero no capisso come che se poe
Moooona, no se capisse come che fe ad essere cussì
Moooona, davvero no capisso come che se poe