Feyfleiber Songtext
von Heimatliebi

Ich ha nu äi Feyfleiber gha im Hosäsack
Und sofort gwisst gha, was ich mit dem mach

Bi zu diär änä, ha dich äifach gfragt
Eb dui ächt eppis mit miär trinkä mags

Ich ha nu äi Feyfleiber gha im Hosäsack
Dank dem hend miär de gred diä ganzi Nacht

Chend miär eys widärgseh, han ich dich gfragt
Und wenn ich ehrlich bi am liäbschtä grad

Jedä Mäntig
Jedä Zeyschtig
Jedä Mittwuch, Dunnschtig, Freytig

Friäh am Morgä, spat am Abä
Ich mag nimmä lengär wartä

Jedä Samschtig, jedä Sunntig
Wett ich nurnu um dich umä sey

Jedä Tag, jedi Wuchä, jedä Monät und jedäs Jahr
Und s′ganzä nunämauw


Drum wenn mich irgändäinisch irgändeppär fragt
Eb mär s'Glick ai wirklich chaifä cha

De sägi vouwär Ibärzeygig: Ja
Luäg mich ah, hey, luäg mich a

Ich ha nu äi Feyfleiber gha im Hosäsack
Dä hed miär so viuw Glick im Läbä bracht

Ich hoffä nummä, das reyst niä meh ab
Ich nu mit achzgi näbä diär uifwach

Jedä Mäntig
Jedä Zeyschtig
Jedä Mittwuch, Dunnschtig, Freytig

Friäh am Morgä, spat am Abä
Ich mag nimmä lengär wartä

Jedä Samschtig, jedä Sunntig
Wett ich nurnu um dich umä sey

Jedä Tag, jedi Wuchä, jedä Monät und jedäs Jahr
Und s′ganzä nunämauw

Ich ha nu äi Feyfleiber gha im Hosäsack