Tanzn auf de Dodn Songtext
von Hans Söllner & Bayaman'Sissdem

Sie tanzn auf de Dodn und da liabe God schaut zua
Wos a si wui denkt, wenn a des so sigt
Kinder laffan bafuaß - a gloane rode Spur
Wos a si wui denkt, wenn a des a so sigt

Sie springen auf eanane Gsichter rum - a Mutter mir am Kind
Wos a si wui denkt, wenn a des a so sigt
So tanzns in eana Zukunft - hoach ihra zua, wie schee dass singt
Wos a si wui denkt, wenn a des a so sigt

Irgendwo geht Sonn grad auf - a Nacht is wo vorbei
Und de Nacht was ruhig - nirgends a Jammern, niergends a Schreien
Ohne große Schmerzn hod as ausgsaugt - jetzt sans laar
Morgen Nacht kimmt er wieder und die Nächte danach auch

Schau, da kimmt a Kind aufd Welt, was gar nix bsonders is
Erst später werds a Jude, werds a Katholik, werds a Moslem oder werds a Christ
Später werd a aussi gschickt - heilig war da Griag
Bloß a Denkmal steht no do - voi Stuiz wingas eam noch


Sie tanzn auf de Dodn und da liabe God schaut zua
Kinder laffan bafuaß - a gloane rode Spur
Sie springen auf eanane Gsichter rum - a Mutter mir am Kind
So tanzns in eana Zukunft - hoach ihra zua, wie schee dass singt

Sie tanzn auf de Dodn und da liabe God schaut zua
Wos a si wui denkt, wenn a des so sigt
Kinder laffan bafuaß - a gloane rode Spur
Wos a si wui denkt, wenn a des a so sigt

Auf a moi is finster worn, a Gwitter ziagt si zam
Wias n vergewaltigt und an a Greiz hignaglt ham
Wias n zu am Gschäft gmacht ham, des die ganze Menschheit unterdrückt
Gepriesen hamsn und obett - aber koan hod a uns mehr gschickt

Gnia di wieder moi hi, foit wieder moi deine Händ
Machs wie a großer König, vielleicht erkennst wenigstens sei Stimm
Überall wo a hikimmt, niergends is a Platz für eam
Und überall wo a hikimmt sigt a seine Kinder steam

Sie tanzn auf de Dodn und da liabe God schaut zua
Kinder laffan bafuaß - a gloane rode Spur
Sie springen auf eanane Gsichter rum - a Mutter mir am Kind
Hoach ihra zua, wie schee dass singt


Sie tanzn auf de Dodn und da liabe God schaut zua
Wos a si wui denkt, wenn a des so sigt
Kinder laffan bafuaß - a gloane rode Spur
Wos a si wui denkt, wenn a des a so sigt

Sie springen auf eanane Gsichter rum - a Mutter mir am Kind
Wos a si wui denkt, wenn a des a so sigt
So tanzns in eana Zukunft - hoach ihra zua, wie schee dass singt
Wos a si wui denkt, wenn a des a so sigt

Sie tanzn auf de Dodn und da liabe God schaut zua
Kinder laffan bafuaß - a gloane rode Spur
Sie springen auf eanane Gsichter rum - a Mutter mir am Kind
Hoach ihra zua, wie schee dass singt