Zweite Kassa Bitte Songtext
von Glue Crew

Zweite Kassa, zweite Kassa, zweite Kassa bitte

I steh im Supermoakt und es is superhoat
Voi vü los, i woas nid, ob i des dawoat
Grob gschätz fünfazwanz Leit wan scho zum Zoin bereit
Nur oa besetzte Kassa, des dauert hoid sei Zeit
A Frau vor mir wa eh boid dro, trotzdem fongt sie laut zum Schreien o

Zweite Kassa, zweite Kassa, zweite Kassa bitte
Zweite Kassa, zweite Kassa, zweite Kassa bitte


Und die Kassadame, de is gonz a Lahme
I hob nid vü dabei, a Soizstangerl und a Banane
De oan hom vü zum Trogn, an voien Einkaufswogn
Neamb losst mi vor und i trau mi se a nid frogn
A Typ hinter mir krotzt eh boid o und er fongt zum Randalieren o

Zweite Kassa, zweite Kassa, zweite Kassa bitte
Zweite Kassa, zweite Kassa, zweite Kassa bitte

Und vor am Feierdog, do is bsundas lob
Do foid ma wieder ein, dass i koane Leit nid mog
I verlong jo eh nid vü, i brauch a fix koa dritte
I hob nur an kloanen Wunsch: zweite Kassa bitte
I ärgert mi scho voi und i bin nid alloa und gemeinsom schlogn ma olles kurz und kloa

Zweite Kassa, zweite Kassa, zweite Kassa bitte
Zweite Kassa, zweite Kassa, zweite Kassa bitte