mei Eck Songtext
von Fritz Stingl

In Emsee geboan und in Goisan dahoam
So an Reim
Den muasst amoi håb′n
I mecht niagans åndas wo bleim
Mei Schotzl im Oam
Und am Bod'n vor uns spüt se da Bua d′Menscha san groß woan
Bei uns dahoam geht's lustig zua

I geh üwan Losa in d'Augstwies
Und zum Wüdnsee
Ins Rinna nu zuawe
Beim Hemi då rennt nu da Schmäh
Guad g′jausnt und trunga
Zum Åbschied a Lerchal – so guad
A Reischal im G′sicht
Und in grantig'n Jaga am Huat


Des Eck wo i her bi′ im Soizkåmmaguad
Is rupfa, hoat und wundasche
D'Leit san a weng eig′n, håm schief auf in Huat
I mecht vo då ned wegga geh
Wånnst då dazuag'heast
Dånn g′heast wo dazua
Dei Lebtåg bist neama alloa
Rundum a Gaudi, wånnst wüst håst dei Ruah
Es kinnt ma ned nu schena toa, nu schena toa

Mei Onkö håt gsunga
Vom Rindbåtoi und Offnsee
A Musikant woa'ra
Und d'Liada vo eam san voi schee
I los ma′s oft å und i denk ma
Der Må håt a G′spia
Er håt se vaewigt
Weu d'Musi vo eam de stirbt nia

Sitz i vor da Hitt′n
A Pfeifal im Meu und denk nå
A wånns oft nå Toi geht
In Wiaklikeit håb i's voi gschmåh
Freind håb i guade
Då dång i in Herrgod dafia
Wånn in persönlich triff
Geh i mit eam auf a Bier


Des Eck wo i her bi′ im Soizkåmmaguad
Is rupfa, hoat und wundasche
D'Leit san a weng eig′n, håm schief auf in Huat
I mecht vo då ned wegga geh
Wånnst då dazuag'heast
Dånn g'heast wo dazua
Dei Lebtåg bist neama alloa
Rundum a Gaudi, wånnst wüst håst dei Ruah es
Kinnt ma ned nu schena toa, nu schena toa