Intro Songtext
von FADA VEX

نبدى كلامي بالسلام بلا منقارع رد نقول
يعيش لي اختار الحياة والباقي بين دروبها يموت
واه هذوك اختاروا السكون يشوفوا الأعداء وين مكانش
كون غدوة يولي الإرهاب يجروا للصف الأمام
يجروا للصيف يقلعوه مشكلة طول القماش
ماشي فالطريق القمامة لي تنحط بصح تنقاس
عشنا وقت وين الهدرة كانت خوف و مانقولوش
وكان التالي فينا عارف بلي المشكل جاي من الفوق
وصلنا وقت وين الهدرة راهي خوف حتى من خوك
على مشاكل تاع مزابي تاع قبايلي تاع صحراوي
شكون العربي كل واحد رسم حدود نكتبوا قاع بالعربية قولولي شا درنا بيها؟
كتبتوها باللاتينية فالمواقع والفايسبوك
هذاك قال بالأمازيغي وهذا يتكلم بالفرونسي
وهذا اختار لغة الضاد وهذاك بالدارجة يقول
لكان العالي خلقنا هاك باش نتعارفوا في ذا الكون
بأي حكم يجي بنادم يزرع فيا أنا الخوف ؟
نقضب أنا ذيك البذرة نزرعها شجرة مظلالة
نزرعها شجرة مظلالة و فيها ثمرة من كل ذوق
ما كان فرق تلبس من البالة ولا تلبس من الحانوت
إلى كان تخرجها عريان هو يكسيك هما يعروك