Adeus Songtext
von Emilio Cao

Antre a calima
Traspondo o meu ollar
Esquivouse o velamio
Deixounos a abadía
Chea da súa ausenza
E a mañán sin perspectiva
Agora en terra
Arredado de min mesmo
Por un océano
De singraduras o vento
Da ría vai levando
As follas de cada emoción
O sol indiferente
Sirena aguardendo os autos vapores
Un retrallo de fume
No rompeolas da paisaxe
Os engranaxes da crúa
Esmoén na mañán morna
Debaixo dos meus pasos
Surde o rancel da vila natal


E ela cos brazos cheos de sono
Teima salvarme
Dun naufraxio antigo
E os meus ouvidos incautos
Queren dormir no colo
Das cantigas vellas
Eu cacheaba
Todos os segredos
Das miñas mans valdeiras
Porque algo foi que se perdeu no mar
O sol indiferente
Sirena aguardendo os autos vapores
Un retrallo de fume
No rompeolas da paisaxe
Alguén que chora dentro de min
Por aquel outro eu que se vai no veleiro
Pra sempre
Coma un morto
Co peso eterno
De todos os adeuses
De todos os adeuses