Kummer Songtext
von Dreiviertelblut

Der Hocker steht in da Stubn
Stumm steht er da rum
D′Leid sitzen auf die Stui
weil koana aufm Hocker hockn wui

Wia Du stinkst wenn Du trinkst
und mim Kopf im Tisch versinkst
des reißt mia mei Herz raus
Und wia Du mit die Kinder spuist
ois ob Du gar nix anders wuist
Na zerreißt's mir mei Herz
Der Kummer steht in der Stubn
weil se koana um Dein Kummer kümmern wui
lasst er Di ned aus

Mei Kopf sagt nimm′s in d'Hand
lass da des ned gfoin
mei Kopf sagt reiß di zam
immer und überall


Mei Kopf versteht des ned
weil die Gedanken die san doch frei
Aber as Herz hockt in am Wirtshaus drin
und lasst mein Kopf ned nei

Der Kummer steht in der Stubn
weil se koana um Dein Kummer kümmern wui
lasst er Di ned aus

Dei Kummer steht in der Stubn stumm rum
und reißt mir mei Herz raus
weil se koana um Dein Kummer kümmern wui
lasst er Di ned aus

Und i seh durch Di durch wenn Du schlafst
I seh die Wundn wie sie klafft
Wie ein Mund der bös lacht und immer weiter aufmacht
und er frisst Di auf

Der Kummer steht in der Stubn stumm rum
und reißt mir mei Herz raus
weil se koana um Dein Kummer kümmern wui
hob i des Gfui lasst er Di ned aus

Und er wachst und er schreit stumm in mi nei
und reißt mia mei Herz raus
Weil se da überhaupts gar koana um Dein Kummer kümmern wui
hob i des Gfui lasst er Di ned aus


Der Hocker steht in da Stubn
Stumm steht er da rum
A kloans Kind krabbelt auf eam nauf
Stellt si hi und schaut mit große Augen in die Welt