Bolero Songtext
von Carlo Muratori

Li marinari e li lampari
Lu mari cancia vesti a lu scurari

Risacca longa e sciruccata
Lu mari curri, rumpi e si rivota

Li ciaramiri e li barcuna
Lu scuru abbrazza a luci de lampiuna

Stratuzzi chini di carusi e di schigghi
Lu vecchiu a manu a manu s′arricogghi


Vuci di matri ccu li mantali:
"Si 'n torni subitu ti mannu a lu ′spitali"

E li sartanii ccu li pignati anniricati
Lu fumu affuca tavuli cunzati

Cuntinua ancora lentu pinseri
Ca su trent'anni e a mia mi pari ajeri

Cuntinua ancora, duci piaciri
Su i me' cumpagni chiddi chi vanni peri peri

"Si fici tardu, haiu a ′ccattari l′ova
Mi scantu chi me patri torna e nun mi trova


Ferma jocu, figghi i buttana
A senti a vuci di me matri chi mi chiama"