Würfel Songtext
von Breitbild

wiisa tee mit iiswürfel trinka
würfel um dis leba
und meh auga als dr würfel het
luagen uf din würfelwurf
luagen wia dr würfel ufra grüana filzunterlag landet und dr auga zeigt
d'auga luagend auga ah
du bisch aug in aug mit ihm
d regla kennsch und du weisch erst
dia gänd dinem traum a sinn


denksch an sii wia si gsait het
du weisch ih vertrau dr blind
lohsch si zrugg ufem land
gohsch ind stadt verkaufsch dr ring
suachsch an job findsch na nid
a zimmer wo kai fenster het
isch dis neua dahai
doch heimelig isch nur d erinnerig
ir dämmerig verlohschs
gohsch über dia stross
wo du weisch dass niamert goht
wo vu döt däna nüt verstoht
verlohsch di uf din verstand
solang di dä nonit verloht
gohsch zum ersta wo döt stoht
und seisch du brüchisch sina rot
er seit dr wart do und er goht
und er kunnt zrugg in sinem ford
git dr a droht git dr a foti
500 für an mord

du bisch ima enga gang
as isch dunkel du hesch kalt
dr boda isch hart du hesch kai plan
denn ufem land hets kai asphalt
a tür goht of as kunnt an maa
er zücht di ab und er ermahnt di
du segsch teil vu siner show
und dia männer hegend zahlt
du söllisch macha was si wennd
sust segisch tot und du verstohsch
wenn du mitmachsch hesch a chanca
wenn du gwinnsch denn kriagsch au geld
du könntisch zrugg zu diner frau
uf dinem land und wärsch dr held
iahr hetten alles woner wennd
und eura traum dä wär erfüllt


iahr könnten
wiisa tee mit iiswürfel trinka
also würfel um dis leba
und meh auga als dr würfel het
luagen uf din würfelwurf
luagen wia dr würfel ufra gelba filzunterlag landet und dr auga zeigt
d'auga luagend auga ah
du bisch aug in aug mit ihm
d regla kennsch und du weisch erst
dia gänd dinem traum a sinn

du stohsch nackt vor ihm
er macht a zeicha uf dini stirn
gitdr a pfuscht gitdr a kuss
goht usem ruum und denn isch still

luta lärm vu wiit aweg weckt di
du erkennsch ihra boda isch dini decki
du laufsch dr gang entlang
und schweiss vu diner stirn
z adrenalin in da arteria
schärft dr dini sinn
du laufsch d stega ufa
dur dia türa in a ruum wo voller männer isch
si zeigen uf das zeicha uf diner stirn
und fönd ah lacha
si stön uf und fön ah klatscha
wörfend sacha in dini richtig
ihra rauch in dina auga
bisst und nimmt dr dini sicht
si drängen sich so dicht an di
betatschen di und schupfen di
und schlönnt di bis am boda bisch
und spucken und bedrohen di
und trucken zigarrana uf dim unterarm us
denn kunnt dr ober und schenkt ih
alli sitzen an ihri plätz
d ouvertüra isch verbii
du nimmsch platz am tisch ir mitti
und gsehsch ir mitti vu dim tisch
a stapel geld du leisch dr droht
und d foti uf da tisch
erkennsch im geganüber dä vur foti
ir foti vu dim geganüber di
in dem moment erkennsch au d regla vu dem spiel
dä wo höcher würflet döff dia stadt mit geld verloh
dä wo z glück verloht verlürt sis leba durch da droht
also würfel um dis leba
und meh auga als dr würfel het
luagen uf din würfelwurf
luagen wia dr würfel ufra rota filzunterlag landet und dr auga zeigt
d'auga luagend auga ah
du bisch aug in aug mit ihm
d regla kennsch und du weisch erst
dia gänd dinem traum a sinn