Songtexte.com Drucklogo

Secondos Songtext
von Bligg

Secondos Songtext

Italie 1930 irgendwo in Benevento
Bringt e jungi Frau es Chind as Tagesliecht im Eiltempo
Es heisst Antonio und tuscht en warmä Buch gäg ä chalti Wält
1 Familie – 6 Gschwüschter 1 Zimmer – 4 Wänd
Ziit rast... 16 jahr ziehnd is Land
Sin Vater schtirbt
Bluemeschtrüss – Träne flüssed und dä Pfarrer kondoliert
Toni chnüttled
Toni rüttled
Er isch jetzt dä Maa im Huus
Miesi Jobs für mieses Gäld s'erschparte gaht langsam us
Sie verzelled vom'nä Land mit freie Abreitsplätz und Perspektive
Sini Muetter wünsch ihm Glück als er in Zug iischtigt
Und als Saisonier i d'Schwiiz fahrt zum hälfe uf emä Buurehof
Mit Schwile a dä Hand füt Milch und Brot
Er verstaht keis Wort
Refrain (2x):


Das isch min Immigrante-Song
Sie gänd Bluet, Schweiss und Träne
Irgendwo imäne andere Land
Was wäred mir numme ohni sie?
D'Ufenthaltsbewilligung lauft ab er muss usser Landesgränze
Jobt im Ruhrpott Chollebergwärch mit schwarze Händ
Nach eim Jahr Staub schlucke schicked's ihm d'Papier
Er chunnt zrugg i d'Schwiiz a d'Langstrass is Italo-Quartier
Er hätt nöd vill Bagage lernt Dütsch uf das da Schtarass
Und schafft sich sini Exischtänz aos Mech in ere Garage
D'Kassiererin vom Lade gägenüber find er herzig
Amor spannt Pfil & Boge und trifft mittä is Herz iä
1958 händ die 2 dä Bund für s'Läbe gschlosse
1959 chunnt s'erschte Chind: Es isch ä Tochter!
Toni isch stolz wie no nie – es gönd 17 Jahr verbi
Die Tochter bringt es Baby zur Wält und das Baby bin ich
Hallo Schwiiz!
Refrain (2x):

Das isch min Immigrante-Song
Sie gänd Bluet, Schweiss und Träne
Irgendwo imäne andere Land
Was wäred mir numme ohni sie?
Dä Song da gaht use a all Immigrante i dä Schwiiz
Wo Schweiss und Blut invistiert händ
Zum das Land zu dem mache was hüt zu tag isch
All Secondos und ihri Chind und dene ihri Chind und dem ...
Refrain (2x):

Das isch min Immigrante-Song
Sie gänd Bluet, Schweiss und Träne
Irgendwo imäne andere Land
Was wäred mir numme ohni sie?

Songtext kommentieren

Schreibe den ersten Kommentar!

Fan Werden

Fan von »Secondos« werden:
Dieser Song hat erst einen Fan.