Songtexte.com Drucklogo

Friener Songtext
von Black Tiger

Friener Songtext

D'Zit lauft witer und blibt nit schtoh.
Trotzdäm frog i mi, wieso das Ganze eso het miesse useko!? D'Zit lauft witer und blibt nit schtoh! Oh, oh... Mängmol lig ich elai dehai uf mim Bett und dänk drüber noch, wie das Ganze agfange het.
Vor 15 Johr oder so isch Sugar-Rauche ufko, s'Risiko het zue dere Zit no niemerts ärnscht gno, doch immer meh hän agfange alufolie z'suuge. Die Maischte hän s'Gfühl gha, s'sig so harmlos wie'ne Guuge. Am Afang hän sie's nur am Wuchenänd iinezooge im guete Glaube. s'sig jo kai gföhrlichi Droge. Huffe hän mr gsait: "Hey Mann, ich ha's voll im Griff! S'isch aifach none geilers Gfühl, als wenn i mi bekiff!" Doch mit dr Zit sin sie immer meh drigrasslet und hän ihr Läbe immer wie meh vermasslet. Dr Tag X isch ko, do hän sie's täglich gno. Sie sin süchtig worde und drvo nömme losko. Oh no! I ka's nit verstoh, wieso das ganze eso het miesse useko. D'Zit lauft witer und blibt nit schtoh.
Trotzdäm frog i mi, wieso das Ganze eso het miesse useko!? D'Zit lauft witer und blibt nit schtoh! Oh, oh... I sitz elai dehai und mach mr Gedanke über d'Vergangehait und über d'Beschtändigkait vo dr Vrgänlichkait. Do fallt mr i wien'ich in d'Schprayerszene ko bi. Vo däm Momänt a hani i gmerkt, es isch meh als nur e Hobby. Am Samschtigobe simmr an dr Bahnlinie zämmeko und hän grossi graui Betonwänd in Agriff gno. Mit Schpraydose hämr Graffiti gmacht. Wunderbari Bilder sin entschtande über Nacht, aber d'Polizei het uns vo dr Bahnlinie vrtriebe und mit dr Zit hän villi vo uns sie afo miide. Schtattdesse het's huffe in d'Schtadt iinezooge. Dört hän sie sich mit härtere Droge volgsooge. Ich bi jetzt e Räpper, e paar hän witergmacht, die andere hänge an dr Noodle oder sin zämmekracht. Aber die goldige Schprayerzite sin vrbii und es wird nieme eso wie damals sii. D'Zit lauft witer und blibt nit schtoh.
Trotzdäm frog i mi, wieso das Ganze eso het miesse useko!? D'Zit lauft witer und blibt nit schtoh! Oh, oh...

Songtext kommentieren

Schreibe den ersten Kommentar!

Übersetzung

Beliebte Songtexte
von Black Tiger

Quiz
„Grenade“ ist von welchem Künstler?

Fan Werden

Fan von »Friener« werden:
Dieser Song hat noch keine Fans.