Grau U Schwarz Songtext
von Bärnserker

Schatte über mir
Z Liecht chunt fasch nie düre
Hie u da ä churzä Blitz am Horizont
Aber d Dunkuheit ziet sich
Wider über mir zäme

Hoffnig chunt uf u Hoffnig vergeit
Aus was blibt isch Grau u Schwarz
Das isch aues was i gseh
I gseh kener Farbe meh

Vilich hani nie glehrt
Wie me glücklich isch im läbe
Vilich hani nie glehrt
Was Liechtigkeit heist
U scho früeh si di Farbe verblasst
U scho früeh isch di Stimm erschtickt

Schatte über mir
Dunkuheit frisst sich
Dür mi Körper
Vo Chopf bis Fuess


Hie u da e nöie Ahlouf
Versuechti Flucht us der Dunkuheit
Gibe aus woni ha
Aber di Mure u Chettine z spränge schaffi nid
Entüschig isch da
Zrüg ir dunkuheit
Wos jedes mau no chli
Dunkler geit

Warum isch immer aues Grau
U geit fasch immer bis iz tiefscht Schwarz
Wirds jemaus ände
Wo isch der Wäg iz Glück
Wirds jemaus ände
Wo isch der Wäg us dere Dunkuheit iz liecht

Schrit für Schritt
Verloreni Zit
Erbarmigslos
Verrinnt mir Zit

Hoffnig chunt uf u Hoffnig vergeit
Aus was blibt isch Grau u Schwarz
Das isch aues was i gseh
I gseh kener Farbe meh

U scho früeh si di Farbe verblasst
U scho früeh isch di Stimm erschtickt


Schatte über mir
Sueche der Wäg iz Liecht
Vouer Hoffnig
Uf Erlösig

Hoffnig chunt uf u Hoffnig vergeit
Aus was blibt isch Grau u Schwarz
Das isch aues was i gseh
I gseh kener Farbe meh

Warum isch immer aues Grau
U geit fasch immer bis iz tiefscht Schwarz
Wirds jemaus ände
Wo isch der Wäg iz Glück
Wirds jemaus ände
Wo isch der Wäg us dere dunkuheit iz liecht