Jung oder alt Songtext
von Aleks Sibnefuffzig

Friehner sind am Samstig Morge amigs Trickfilm gloffe
Hüt bini denn am schlofe
Ha am Fryttig kli vill gsoffe
Katerkatastrophe
S Dafalgan het au nit gholfe
Ha friehner schone Gläsli gnosse
Aber sit wenn git das so Kopfweh

Und au allgemein duet mer aifach immer ebbis weh
Ha mi bim Schnufe scho wider z fest bewegt
Sind das jetzt die beste Joohr, wie me sich verzellt
Oder gits no ebbis anders und ich has nit entdeckt?

S het immer gheisse, schaffsch du nur flyssig
Hesch s Hüsli im Griene und d Kinder vor dryssig
Verfiegsch über bizeli geistigi Ryffi
S isch nit eso ko, aber ich finds no easy

Fühl mi mängmol alt, au wenn is nit bi
Bini vorus oder doch hindedri
S Millenium und d 90er sind länger verbi
Und glich fühl mi amigs als wärs gester gsi


Fühl mi mängmol jung, au wenn is nit bi
Bini vorus oder doch hindedri
Ha s meiste no vor mr und dängg mer deby
Will mol sage nit alles isch besser gsi

Ich gstand euch, ich hoff dass
Mir ebber erklärt
Wieso isch Züg, woni im Kopf ha
Scho 20 Joohr här
Kai Joohr ufem Sofa
Sunschd wärs nit so schwär
I ha Züg, woni druf ghofft ha
Und Züg, wo no fählt

Kai Loft, ich wohn uf 70 Quadrat
Dr Vierergolf no immer Standard
Är bringt mi an Ort mitme Sandstrand
Nie meh e Hostel am Stadtrand

Hüt hani e anderi Gangart
Nie meh an Rhy mit Tell und Anker
Nie meh Stress zwüsche Nazis und Punker
S isch guet so und drum bini dankbar


Fühl mi mängmol alt, au wenn is nit bi
Bini vorus oder doch hindedri
S Millenium und d 90er sind länger verbi
Und glich fühl mi amigs als wärs gester gsi

Fühl mi mängmol jung, au wenn is nit bi
Bini vorus oder doch hindedri
Ha s meiste no vor mr und dängg mer deby
Will mol sage nit alles isch besser gsi