Songtexte.com Drucklogo

Gerechtigkeit deutsche Übersetzung
von Hans Söllner

Gerechtigkeit Lyrics Übersetzung

Jetzt steh‘ ich im Gerichtssaal,
der Richter schaut mi o‘
Der Staatsanwalt geht wie a Geier auf und o‘
Dann sagt der Typ mit seim‘ Kappl und und seim saubledn Gsicht:
„Herr Angeklagter, so geht des natürlich nicht,
wo kommen wir da hin, wenn ein jeder, der a bisserl Ärger hot,
sein Hausvermieter glei‘ daschlogt?“

I sog i hob ihn doch net daschlogn,
a bisserl lebt er ja no‘
des kann doch i net wissen dass er nix vertragt der Mo‘
und außerdem wenn er net gstolpert war ois net so schlimm,
es waren doch eh bloß 15 Treppen,
a ganz kurze Stiagn!

Aber ans versprich i erm, dem Typen, sollt ihn nuamoi segn,
dass i erm nackert auf der Südseitn zum Fensta ausse häng!
„Sie sind nicht gefragt!“, plärrt der Richter,
„wenn Sie jetzt noch einmal stören,
zahlens‘ gleich a gscheite Straf, I mag jetz nix mehr hören!“


Der Staatanwalt geht dann umma und sagt ma dann,
i soll die Gschicht nochmal erzählen und zwar von Anfang an.
Für diesen Fall, meint er, san 15 Monat wohl net zvui,
Wo kommen ma denn hi wenn a jeder machat was er grad wui

I sag: „I war am Monat früh bei meim Vermieter drind,
und hab erm freudestrahlend erzählt, mei Frau kriegt a Kind
darauf hat er bloß echt saudumm glacht und mi anschließend gfrogt:
„Ham sie scho‘ einegschaut in Ihren Mietvertrog?
Da steht drinnen ganz groß, Haustiere sind bei mir nicht erlaubt,
des is a Kündigungsgrund und in sechs Wochen sind sie draussd!
Do sag i, i glaub sie ham sich verhört,
mei Frau bringt a Kind und ka Meerschweindl zur Wöt,
des is mir wurscht, hat er gsagt,
des kommt do ois auf das selbe naus,
ob des a Kind is oder a Meerschwein – nicht in meinem Haus!
I hob bettelt, i hab great,
Aber er hat mi ned erhört,
Herr Staatsanwalt, dann is hoit passiert!


„Sie sehen, Herr Richter“, sagt der Staatsanwalt,
„ein niedriger Grund!“, da plärr i fire:
„Hoit doch die Fotzn, du saudummer Hund!
Wer heut a Frau vergewaltigt,
kriagt 5 Monat ned amoi,
da daschlogt a Mutter ihr Kind,
is fast a Versicherungsfoi.
Da machens Werbung, Leut machts Kinder,
de Deutschn sterben bald aus,
da Teufel soll sie hoin,
die Vermieter samt dem Haus!

Neun Monat hob i kriagt
Ohne Bewährung ganz klar,
weil des a eindeutiger Fall von Selbstjustiz war,
wär i was Besseres gwesn‘
wär ma des bestimmt ned passiert,
so wie dem Polizist der im Namen des Volkes klane Kinder daschiasst
oba i kann euch goaned sogn wie i mi trotzdem gfrei
I werd oiwei a klans Oaschloch unter lauter große sei!

zuletzt bearbeitet von Anna (AnnamagLieder) am 4. Mai 2019, 13:14

Übersetzung kommentieren

Schreibe den ersten Kommentar!

Quiz
Wer singt das Lied „Applause“?