So gern deutsche Übersetzung
von Hans Söllner & Bayaman'Sissdem

Intro...

I hätt so gern no a paar Worte gsogt
aber du host as nimma g'heat
I hob'n Schnaufa g'heat dein letztn Atemzug
i hob a Zeit lang um di great

I hob dei Seele friedlich wandern gsehn
und deine Finger in meiner Hand
So bist ganga mit am Locha hoam zu dir
in deim schenstn Sunntogsgwand

I hätt so gern no an Spaziergang gmacht
do draußt im Park bei Sunn und Liacht
und auf da Baunk hätt ma a Pause gmocht
und du hättst di zuabagloant zu mir

I hätt no oamol gspürt wie's finster wird
I hätt mi gfreit auf a lange Nocht
Der Wind wär friedlich mit dir weiter zogn
I hätt no oamol mit dir glocht

Der Wind wär friedlich mit dir weiter zogn
I hätt no oamol mit dir glocht


I hätt no oamol so gern tanzt mit dir
bis uns schwindlig wird vor lauta Lebn
wa ma ins Gros gfoin und hättn aufi gschaut
wo die Woikn langsam ziagn

Aber du warst scho aufn Weg zu dir
und i bin einfoch bliebn
I hob da gwunga und hob ghofft du gschaugst no oamol um
aber du host mi nimma gsehgn

I hob da gwunga und hob ghofft du gschaugst no oamol um
aber du host nix mehr gsehgn

Instrumental

I hätt di so gern no amoi zuadeckt heit
dass di net friert in unserm Haus
und die Menschen des du gliebt host
gehn heit olle ein und aus

Sie hom a Liad von mir gspuit an dein letztn Tog
a große Ehre woas i hoff du host as gheat
oba jetzt mog i nimma trauern i muas weida geh
i hob a Zeit lang um di great

oba jetzt mog i nimma trauern jetzt muas i weida geh
i hob a Zeit lang um di great

Instrumental