Songtexte.com Drucklogo

Hard Times deutsche Übersetzung
von Gillian Welch

Hard Times Lyrics Übersetzung

dt. Text (Wiener Dialekt) v. Ernst Molden

Schwaare Zeid

Jo in Eisntandla host kenan singan hean
Er hod ghobt an Hund der hod eam ghobt so gern
Und späda am Tog, cirka wia jetzt
Hod er si obe zu dem Hundsviech gsetzt.....und gsogt

Geht scho mei oida Freind
Wir schoffn des zu zweit
I waaß genau
Wir kumman heid no ham

Und ka schweare Zeid wird uns untagriagn
ka schweare Zeid wird uns untagriagn
ka schweare Zeid wird uns untagriagn.....uns zwa


Es is a hagliche Wöd und gierig is' a
A muads Maschin mit tausend kmh
Erst trinkn's deine Tränen und dann trinkn's dein' Wein
oba amoi wirst sehn wea ma im Himmel sein

D'rum geht scho, kummt's ausse meine Buam
Moch ma an Krawäu do in da Gruam
Haut's auf de Wand dass' staubt und de Gossn wieda locht

Und ka schweare Zeid wird uns untagriagn
Und ka schweare Zeid soi uns untagriagn
Und ka schweare Zeid soi uns untagriagn.....heid Nocht

Jo da Eisntandla, der singt heid ka Liad
In da Trafik siachst eam steh und er wirkt recht miad
I waaß wos eam passiert is, mia kannst glaubn auf's Wuat
Er wocht auf in da Fruah und des Hundsviech is fuat

D'rum hea mit da Band mocht's an Trara
Haut's auf's Zeigl, spüd's Gitar'
Und ana blost de Trompetn, dass i endlich wos hea

Und ka schweare Zeid wird mi untagriagn
ka schweare Zeid wird mi untagriagn
ka schweare Zeid wird mi untagriagn.....nimma mehr

zuletzt bearbeitet von Martin (DonMartin) am 14. November 2019, 18:56

Übersetzung kommentieren

Schreibe den ersten Kommentar!