Tequila Halleluja Songtext
von Stiller Has

Ha tröimt i heig der jesus troffe
Ire miese bar
Wie ne abwart i de trope
Mit syne länge haar
Mir hei zäme zwöi herrgöttli gnoh
U die halbi stadt yglade
E vollruusch mit däm heilige maa
Cha mynere seel nid schade


U d lüt hei afa bätte
U gränne wäg de chole
Der jesus het kes bargäld gha
Nume ds hemmli u d sandale
We drum sy père der liebgott
De mönsche d chole heig verteilt
Heig är us wasser wy gmacht
Het är üs verzellt
är het über alles wölle rede
Am grund vomene glas
är het üs üsi sünde glost
U groukt mys letschte gras
Tequilla halleluja
Der himmel het kredit
U niemer hätt sech dänkt
Dass es e faltsche jesus syg

Hei chrigu bring four roses
Aber bitte schrybe se aa
Zahle muess der moses
I bi morn scho nümme da

Der moses chunnt cho zahle
Hei chrigu tue nid doof
Süsch chasch zu mir cho reklamiere
I bi vom chef der goof


Wär hütt nid chotzt dä isch ke guete
U d lüt hei gsoffe wie ne chue
Chrigu heschs notiert der jesus isch drum zue
Wo d party isch am schönschte gsy
Ke spur vom liebe gott
U i ha nes brochnigs nasebei u lokalverbot
är het über alles wölle rede
Am grund vomene glas
är het üs üsi sünde glost
U groukt mis letschte gras
Tequilla halleluja der himmel het kredit
U niemer hätt sech dänkt
Dass es faltsche jesus syg