Heut sitz ma Songtext
von Sigi Maron

Heit sitz ma wieda amoi
Mitanaund auf da Wiesn
Da Wind gibt ka Rua
Und da Himme is blau
Mia woin unsa Lebn
No a bissal geniessn
Jede Frau suacht si an Maunn
Jeda Maunn suacht a Frau, oder wer wül
Jede Frau suacht si a Frau
Jeda Maunn suacht si an Maunn


Und hot si
A jeda
Wen g′fundn
Daun nehmts eich
Gaunz fest
Bei de Händ
Weu ma net waß
Ob in de nextn
Poor Stundn
De gschissane Wölt
Vabrennt

Jetzt lossts uns an Tram haum
Auf der glotzatn Wiesn
Von ana Wölt wo ma endlich
Olle gleich san
Und de Zwergerl san genauso
Vül wert wia de Riesn
Und ka Staberl verfolgt uns
Mit seim Rassnwahn
Jo de Grossn, jo de Grossn
De hölfn denan Klan


Und hobts eich
A jeda
Wen g'fundn
Daun nehmts eich
Gaunz fest
Bei de Händ
Weu ma net waß
Ob in de nextn
Poor Stundn
De gschissane Wölt
Vabrennt

A jeda hot de Arbeit
De wos eam a Freid mocht
Und a Wohnung genau
So gross wia er sie braucht
Ka Bam und ka Strauch
Wird mehr unnötig umbrocht
Es gibt kan Chef der di dauernd
Bei da Arbeit aunpfaucht
Jo a Chef is daunn des Letzte
Des wos ma no braucht

Und hobts eich
A jeda
Wen g′fundn
Daun nehmts eich
Gaunz fest
Bei de Händ
Weu ma net waß
Ob in de nextn
Poor Stundn
De gschissane Wölt
Vabrennt

Vül zu schnöll vagengan
De lockern poor Stundn
Da schönste Tram
Der hot amoi a End
Und im Tram hob i leider
De Lösung no net gfundn
Wos kennt ma tuan damit de
G'schissane Wölt net vabrennt
Mochts an Anfang kummts und gebts eich
Jetzt olle eich're Händ

Und hobts eich
A jeda
Wen g′fundn
Daun nehmts eich
Gaunz fest
Bei de Händ
Und daunn hoff ma
Dass de nextn
Poor Stundn
De gschissane Wölt
Net vabrennt