Dastaan-E-Om Shanti Om Songtext
von Shaan

Sunane waalon
Suno aisa bhee hota hai
Dil detaa hai jo
Vo jaan bhee khota hai

Pyaar aisa jo karthaa hai
Kya mar ke bhee martaa hai?
Aao tum bhee aaj sun lo

Daastaan hai ye ke ik tha naujavaan jo dil hee dil mein ek hasina ka tha deewaanaa
Vo hasina thi ki jiski khubsuurati ka duniyabar mein tha mashhoor afasaana

Donon kee ye kahaani hai jiskoo sabhee
Kehthe hain, "om shanti om"

Naujavaan kee thi aarazoo
Uski thi ye hee justaju
Us hasina mein usko milee
Ishq ke saare rang-o-rup

Naujavaan kee thi aarazoo
Uski thi ye hee justaju
Us hasina mein usko milee
Ishq ke saare rang-o-rup


Usne naa jaanaa ye naadaani hai
Vo ret ko samajh ke paani hai
Kyun aisa tha! kis liye tha!
Ye kahaani hai

Daastaan hai ye ke us dilkash hasina ke nigaahon dil mein koyi doosraa hee tha
Bekhabar is baath se, us naujavaan ke khaabon ka anjaam to hona bura hee tha

Toote khaabon kee is daastaan ko sabhee
Kehthe hain, "om shaanti om"

Sunane waalon
Suno aisa bhee hota hai
Koyi jitna hanse
Utana hee rota hai

Deewaanii ho ke hasina
Khaayee kya dhokhe hasina
Aao tum bhee aaj sunalo

Daastaan hai ye ke us maasoom hasina ne jise chaahaa o tha andar se harjaai
Sang dil se dil lagaa ke, bewafa ke haath aa ke, usne ek din maut hee pai

Ik sitam ka fasaanaa hai jiskoo sabhee
Kehthe hain, "om shanti om"

Kyon koyi qaatil samajhta nahin?
Ye jurm vo hai jo chhupataa nahin
Ye daag vo hai jo mitaatha nahin
Rahata hai khooni ke haath par


Khoon us hasina ka jab tha hua
Koyi vahaan tha pahunch to gaya
Lekin use vo bacha naa sakaa
Royaa tha pyaar uski maut par (royaa tha pyaar uski maut par)

Daastaan hai ye ke jo pahachaanata hai khooni ko vo naujavaan hai laut ke aayaa
Kah rahee hai zindagi, "qaatil samajhale uske sar pe chha chukaa hai maut ka saaya"

Janmon kee, karmon kee hai kahaani jise
Kehthe hain, "om shaanti om"

Kehthe hain, "om shaanti om"
Kehthe hain, "om shaanti om"