Analdente Songtext
von Liricas Analas

Analdente Songtext

Nus cuschinein per vus sin meisas en clubs.
Nus cuschinein per vus cun steilas e puncts.
Nus cuschinein e traversein las punts.
Aroma da beats ed empau peiver da tuns.


La cuschina, miu secund dacasa.
Il dun per bunas spezarias ed enqual surpresa.
Crescha spisas - che dattan funs ed energias.
Ideas creativas presentadas cun cor e fantasia.
Hai bugen picants raps fatg sez sco cupcakes,
frestgs sco glacé flessegionts sco frapé.
Nuot da quei che fa schliet e dat si,
stat sil magun, exact, ti sas tgei!
Perquei cuschinein extraordinari,
sc'ina suppa da fein sec e culinaric.
Igl entir recept naven d'A tochen Z
empruein da duvrar, giugar cul concept.
Survin in menu da tschun tratgas!
Flepp, Jusht, Spoon, Suivez e la Pumaranza.
E ti astgas seser vida meisa, sche ti lessas.
Bien appetit e mirar sche ti schazegias?!

Ils producents entscheivan la creaziun.
Scriver ils recepts, gliez ei lur funcziun.
Els mischeidan ingredienzas e cuschinan in beat
sco la pasta dalla pizza che nus uss cuvrin.
Flepp, il peiver da nus treis,
sa esser grops sco ruclas ni fins sco puorla, sche vus leis
el pren si direct contact e semischeida
perfect en aschunta ed ell'endretga peisa.
E lu Orange, ei paprica sco ti audas,
remas picantas e plein colur sias flausas.
Quei ei in schani che fa bein ella cazzetta,
perquei che siu aroma darar serepeta.
Ed jeu sun il Jushtus, plitost salaus.
Aschi schon duvraus ch'ins drova dapli che pli baul,
gie el tila siu tgau tras mintga spisa dil sound,
sustegn las fassettas da mintgin involvau.

In tec da quella, in tec da tschella spezaria.
Ina zensla e tuts han legria.
Jeu hai buc skills e buc stil en abundonza,
aber cun tschels en cuschina tonschi per lunsch or.
Mintgin ha sia specialitad
e sche mintgin ha in tec in auter nas,
harmoneschi la fin en quella cuschina.
Buc gourmet, aber segir ina buna cantina.
Nus cuschinein; per giuven e vegl.
Nus cuschinein; Pigl egl e pil begl.
Nus cuschinein; adina puspei.
Nus cuschinein; per mei e per tei.
Nus cuschinein, è mo cun aua.
Nus cuschinein, mo la noss'ei pli blaua.
Nus cuschinein, nus duvrein buc milliuns.
Nus cuschinein, nus survegnin subvenziuns.

Songtext kommentieren

Schreibe den ersten Kommentar!
Diese Website verwendet eigene Cookies und Cookies von Dritten um die Nutzung unseres Angebotes zu analysieren, dein Surferlebnis zu personalisieren und dir interessante Informationen zu präsentieren (Erstellung von Nutzungsprofilen). Wenn du deinen Besuch fortsetzt, stimmst du der Verwendung solcher Cookies zu. Bitte besuche unsere Cookie Bestimmungen um mehr zu erfahren, auch dazu, wie du Cookies deaktivieren und der Bildung von Nutzungsprofilen widersprechen kannst.
OK