Do kammer dran föhle Songtext
von Höhner

Am Samsdaach moot ich ens widder op ene vürnehme Ball
Do soh mer dann och Rang un Schulde em janze Saal
Ne Kellner heelt mer en Jetränkekaat hin
Do jov et nur Hundertmarkswing
Dobei han ich die Fläsch för fünf Mark beim Aldi jesinn

Do kammer dran föhle, dat es jeplant
Do wede mer widder veraasch!
Do kammer dran föhle, dat es jeplant
Do wede mer widder veraasch!
Mer wede veraasch, vun der Bagaasch, wat en Blamasch


Daachs drop wor ich janz platt, wat do en d′r Zeidung dren stund
Dä Ovend hät sich allein för dä Jaststar jelohnt!
Dä wor jar nit do un die Kapell wor esu schrill
Un am Büffet, do jov et nit vill
Pressefreiheit, dat heiß wohl: jeder schriev, wat hä will

Do kammer dran föhle, dat es jeplant
Do wede mer widder veraasch!
Do kammer dran föhle, dat es jeplant
Do wede mer widder veraasch!
Mer wede veraasch, vun der Bagaasch, wat en Blamasch

Do kammer dran föhle, dat es jeplant
Do wede mer widder veraasch!
Do kammer dran föhle, dat es jeplant
Do wede mer widder veraasch!
Wat en Blamasch!