Songtexte.com Drucklogo

Ned Dahoam Songtext
von dicht & ergreifend

Ned Dahoam Songtext

Dahoam is bestimmt ned dahoam,
Nur weils da Olle immer vorbet'n und zoang (zoang) (zoang) (zoang).
Dahoam is bestimmt ned dahoam (ned dahoam),
Sunsd hed ja neamads wos woandas je verloan.
Se song dahoam steam d'Leid und es stimmt sogo
In Damaskus z'reissts an Kinderkopf
Hoppala, Blindgänger, kimmd moi vor
Zwoa Finger meassn glanga um des Peace-Zeichen zum zoang.
Ihr habt's nixe gwusst?
De Splitterbomb'n war vo Thyssen-Krupp
Immer dieser Rüstungsdruck
Und aiza kemmans Olle eina in am Flüchtlingszug.
Af oamoi muas a Führer her, olle jammern umananda woin a Bürgerwehr
Vor dem Syrergschwerl hams Angst, wern panisch,
Dengan irgendwann werd Garmisch islamisch,
Wia da Cassius Clay, Schutz gega Soiznega?
Pfefferspray! (hey), jeder Treffer zaid
Eia Thresenlogik tramped af da Stai
Ok, wer auf Menschen zielt
Is a Lokalpatriot und grenzdebil


Ihr verhungert's nur an geistiger Magersucht
Wega Deppen wia eich bin i af Fahnenflucht.
Dahoam is bestimmt ned dahoam (ned dahoam)
Nur weils da Alle immer vorbet'n und zoang (zoang) (zoang) (zoang).
Dahoam is bestimmt ned dahoam
Sunsdhed ja neamads wos woanders je verloan.
Se song Berlin, Berlin ja wos megts'n do,
Habds do scho wos gscheids zum Essn, sog?
Da Buagamoasta schwul gwen de letztn Joh,
Lauda Saubermänner in ana verdrecktn Stod.
Owa wos is eigentlich im Freistaat los?
Seit'm Reinheitsgebot samma einfallslos,
Unser Eigenlob stinkt dreifach hoch,
Ohne Berg, Bier und Brez'n wadma heimatlos.
Einfach so hed ma nixe mehr,
Wer hod gsogt, dassma Rassen ned vermischen deaf?
Fia Flüchtlinge gibts koane Mittel mehr,
Drum gehd da Friedensnobelpreis ans Mittelmeer.
Des hod de meisten Menschen aufgnomma,
Du weasd so kasig wia die Mitt'n von am Auszonga
Wennsd sigst wias Gsicht vo am Kind erlischt,
Wenn des windige Schiff in da Mitt'n zerbricht.
Mayday, mayday heasd an Funk?
Migration macht a Kehrtwendung,
Jed's Kind verstummt wia bei da
Märchenstund und schickt a Postkart'n vom Meeresgrund.
Dahoam is bestimmt ned dahoam,
Nur weils da Olle immer vorbet'n und zoang (zoang) (zoang) (zoang).
Dahoam is bestimmt ned dahoam (ned dahoam),
Sunsd hed ja neamads wos woandas je verloan.

Dahoam is bestimmt ned dahohohoaaam,
Dahoam is bestimmt ned dahooaaam,
Dahoam is bestimmt ned dahohohoaaam
Dei Angst vor Andersartigkeit hod die verdoam (doam) (doam)

Songtext kommentieren

Schreibe den ersten Kommentar!

Quiz
Wer ist kein deutscher Rapper?

Fan Werden

Fan von »Ned Dahoam« werden:
Dieser Song hat erst einen Fan.