Songtexte.com Drucklogo

Tanz Ällei Songtext
von Dabu Fantastic

Tanz Ällei Songtext

Und so tanzt si ganz ällei
Und so tanzt si ganz für sich
Lueg, wie si tanzt im schönschte Chleid
Zwüsched allne andre Lüüt

D Wälle am Ufer schlönd uf s′Land ii
Si staht deht bis de Rock wider nass isch
Lauft zrugg dur das Dorf
Verbii a Tourischte i luschtige Shorts

Rotbrännti ersuufed i Pintes
Händ eine sitze, duss vor de Beiz
Doch si liit - als würd ligge was bringe
Wuche, Mönet, ligge für immer

Si träumt, gseht ihn under de Palme
Gspürt ihri Füess, Rundene tanze
Abschlussball, Summertanznacht
Am Schluss ganz nackt uf dem Sandstrand


Sit er wegg isch, isch er wegg
Isch s' Bild a de Wand villicht s′ einzig wo läbt
Isch keis Lied meh tanzbar für si
Sit si ohni Tanzpartner isch

Und so tanzt si ganz ällei
Lueg, wie si tanzt im schönschte Chleid

Si und er zwei Wuche voll gmeinsame Nächt
S Läbe träumt gmeinsam wie ächt
Doch egal, won er gluegt hät
Kein Job, kei Geld, kei Zuekunft

Sit bald äme Jahr
Lauft si ällei a dem Strand da entlang
Liit ohni Schlaf und warted da
Uf di nägscht Nachricht us Kandahar

Und iri Tanzschue ligged im Chaschte
Kei Merengue, keis bitzeli Salsa
Si brieged, wo de Pöschtler en Brief bringt
Und si list, was er schriibt:

Amore, egal was passiert
Egal, won ich bin, ich tanze mit dir
Dänk a mich, zieh d Tanzschue wider aa
Chum tanz wider, tanz, tanz wider, tanz


Und so tanzt si ganz ällei
Und so tanzt si ganz für sich
Lueg wie si tanzt im schönschte Chleid
Zwüsched allne andre Lüüt

Und so tanzt si ganz ällei
Und so tanzt si ganz für sich
Lueg wie si tanzt im schönschte Chleid
Zwüsched allne andre Lüüt

Amore, egal was passiert
Egal, won ich bin, ich tanze mit dir
Dänk a mich, zieh d Tanzschue wider aa
Chum tanz wider, tanz, tanz wider, tanz

Amore, egal was passiert
Egal, won ich bin, ich tanze mit dir
Dänk a mich, zieh d Tanzschue wider aa
Chum tanz wider, tanz, tanz wider, tanz

Und so tanzt si ganz ällei
Und so tanzt si ganz für sich
Lueg wie si tanzt im schönschte Chleid
Zwüsched allne andre Lüüt

Songtext kommentieren

Log dich ein um einen Eintrag zu schreiben.
Schreibe den ersten Kommentar!

Quiz
„Grenade“ ist von welchem Künstler?

Fans

»Tanz Ällei« gefällt bisher niemandem.