Polizeistund Songtext
von Bläck Fööss

Ich sin üch jän bei mir he ston
5 Bier, 6 Korn, komm Jupp loss jon
Dä Hals dä es janz drüch
Di Bier es köhl un fresch

Ihr hat noch Zick bis koot vür ein
Wä denk dann jetz schon an doheim
Dat Faß es voll un schwer
Bis ein kritt mer′t nit leer

Wat es dat doch für nen DreßDat öm ein Uhr Fierovend es
Die Uhr stürt hür bloß nit hin
He Jupp, komm scehpp noch eine en


Die Zick die läuf, et es bal ein
Mach keine Quatsch, scheck uns nit heim
Ding Uhr jeit vür en Stund
Komm dunn uns noch en Rund

Wat es dat doch für nen DreßDat öm ein Uhr Fierovend es
Die Uhr stürt hür bloß nit hin
He Jupp, komm schepp noch eine en

Dat jeit nit, ich darf nit, die Schmier kütt
Die Schmier kütt, die stürt nit, kritt och jet
Die han sich immer jot benomme
Loß die Junge doch ruhich kumme

Ihr weßt ich fing üch leev un nett
Doch ich muß och ens en et Bett
Do kanns d'r janze Dach noch schlofe
Jo mach et Leech ruhich us
Em Dunkle schmeck et och


Wat es dat doch für nen DreßDat öm ein Uhr Fierovend es
Dat jode Zeuch weed söns noch schläch
He Jupp, d′r Letzte für d'r Wäch