Songtexte.com Drucklogo

Lange Samstag en d'r City Songtext
von Bläck Fööss

Lange Samstag en d'r City Songtext

Lange Samstag en d'r City
Pap un Mam die jon mem Titti
Tata, teita durch de Stadt
Weil et Jeld jejeben hat
Lange Samstag en d'r City
Laut am blöke es et Titti
Et will noch en Currywoosch
Un et hät och jroßen Doosch

En d'r Stadt es Remmi Demmi
Alle Parkhüser sin voll
Üvverall nur Minschemasse
Un die kaufen hück wie doll
Ne kleine Panz dä es am kriesche
De Frau Schmitz sök ihr Marieche
Stauung an 'ner Frittebud
Denn Fritte schmecken immer jut


Lange Samstag en d'r City
Pap un Mam die jon mem Titti
Tata, teita durch de Stadt
Weil et Jeld jejeben hat
Lange Samstag en d'r City
Laut am blöke es et Titti
Et will noch en Currywoosch
Un et hät och jroßen Doosch

Titti well e Püppche' habe'
"Froch d'r Pap" sät drop de Mam
Doch da dät dat üvverhüre
Titti fängk zo brölle an
Öm vier Uhr jon se Kaffee drinke
Titti es ad leich am Stinke
Och de Mam die kann nit mih
D'r Pap dä zällt sing letzte Flüh

Lange Samstag en d'r City
Pap un Mam die jon mem Tittt
Tata, teita durch de Stadt
Nur weil et Jeld jejeben hat
Lange Samstag en d'r City
Fass am schlofe es et Titti
Doch noch em Draum sät et janz leis
"Titti well Vanilleeis"
"Titti well Vanilleeis"

Songtext kommentieren

Schreibe den ersten Kommentar!

Fan Werden

Fan von »Lange Samstag en d'r City« werden:
Dieser Song hat noch keine Fans.