Wingrude T1 Samba Songtext
von Kasalla

Et jitt su vill Autos zom fahre
Decke Karre zöm sich profiliere
Manche Müll fällt fass ussenander
Un dä Opa fährt Oma spaziere
Manche Lück bruche breite Reife
Andre wolle e Cabriolet
En Famillich, die bruch Kindersitze
Un manche Kess sprengt dir et Portemonnaie

Ävver, wenn ich janz frei wähle künnt
Mööch ich keine Maserati han
Ich wöödt e ahl VW Büssche kaufe
Et komplett renoviere un dann

Hätt ich et Surfbrett om Daach un ne Schlofsack
Ne Jrill un en Jittar dozo
Un dann söß ich do en mingem Wingrude T1 Samba
Immer Richtung Bordeaux


Dat Finster vürre künnt mer kippe
Un dat Logo blink en dä Sonn
En dä Radkappe künnst de dich speejele
Un ich wööd Wießbandreife dran dun
De Bänk met Ledder betrocke
Un statt Blinker ne Winker aan d′r Sick
Zweifarbig lackeet un e Faltdach
Un dä Motor bollert em Heck

Keine Airbag, kein Navi, kein Klima
Kein Xenon un kein ABS
Nur dä Jeruch vun Benzin un vun Freiheit
Un dä Zoch vun 40 PS

Et Surfbrett om Daach un ne Schlofsack
Ne Jrill un en Jittar dozo
Un dann söß ich do en mingem Wingrude T1 Samba
Immer Richtung Bordeaux

Un durch 23 Finster schingk de Sonn deef vum Ozean erin
Un ich jläuf en däm Moment merkste wie et es endlich aanjekumme ze sin

Un sitz ich och nur en der U-Bahn
Dann maach ich de Auge zo
Un dann sinn ich mich en mingem Wingrude T1 Samba
Op däm Wääch noh Bordeaux

Immer Richtung Bordeaux