Echte Kölsche Band Songtext
von Höhner

Echte Kölsche Band Songtext

Minge Vatter hätt 'ne Doktor-Titel – es e ne staatse Mann.
Ming Mamm mäht schwer op Charitity zig däm ich denke kann!
Die Zwei, die sin e Musterpäärche – immer akkurat.
E Hüsje en Marienburg – längs ad affjezahlt!
Ming Zokunft wor jenau jeplant – bezahlt von Pap un Mamm.
Privatschull, Jolf- un Tennis-Club – ich kunnt alles han.
Et sullt jet us mir weede – System immanent.
Doch ich hatt mich längst entschiede – för en echte kölsche Band.


Zur Schull moot ich en Polo-Shirts, de Hoor jestylt met Gel,
et wor alles reichlich elitär – wie't Pap un Mamm jefeel.
Et jov janz strenge Regele, wie domols Anno Pief.
Un och ens op de Backe links un rähts, wenn einer schlief.
Ich sullt jo op de Uni jon – doch ich ben durchjebrannt.
Nix en dr Täsch, doch dofür frei, ich wor total jespannt.
Ich wullt mi eije Levve – su wie't dr Papp nit kennt.
Ich hatt mich längst entschiede – för en echte kölsche Band.

Dann soße se, han spekuliert, wat wohl us mir ens weed:
Ne Anwalt oder Richter oder glich ne Doktor med.,
doch ich wullt keine Titel un keine neueste Trend!
Ich hatt mich längst entschiede – för en echte kölsche Band.

Minge Vatter jov mir Jeld suvill ich wullt – ich jov et us
för e Mädche us dr Upper Class – nä nä, wor ich bestuss'.
Oh Jott – wat han mer zwei jezaubert un jehex' baal jede Naach.
Doch dann sproch se vom Hierode un plötzlich woodt ich waach!
Se wullt e eije Hüsje han un zwar in Düsseldorf.
Zwei Pänz, ne Hungk, ne Daimler-Benz – ich kräht se nit die Kurv,
se hätt et nie begriffe, dat Füür dat en mir brennt,
dröm han ich mich entschiede – för en echte kölsche Band!

Jo! En echte kölsche Band!
Dabba dab dab dab deep deep en echte kölsche Band!

Songtext kommentieren

Schreibe den ersten Kommentar!
Diese Website verwendet eigene Cookies und Cookies von Dritten um die Nutzung unseres Angebotes zu analysieren, dein Surferlebnis zu personalisieren und dir interessante Informationen zu präsentieren (Erstellung von Nutzungsprofilen). Wenn du deinen Besuch fortsetzt, stimmst du der Verwendung solcher Cookies zu. Bitte besuche unsere Cookie Bestimmungen um mehr zu erfahren, auch dazu, wie du Cookies deaktivieren und der Bildung von Nutzungsprofilen widersprechen kannst.
OK